நீங்கள் தேடியது "விஜய் ஹசாரே டிராபி"

இந்தியாவின் முன்னணி உள்ளூர் ஒருநாள் கிரிக்கெட் தொடரான விஜய் ஹசாரே டிராபி நடைபெற்று வருகிறது. லீக் ஆட்டங்கள் முடிவில் மும்பை உள்பட 8 அணிகள் காலிறுதிக்கு முன்னேறின. நேற்று முன்தினம் நடைபெற்ற காலிறுதி ஒன்றில் மும்பை - பீகார் அணிகள் மோதின.

முதலில் பேட்டிங் செய்த பீகார் 69 ரன்னில் சுருண்டது. பின்னர் 70 ரன்கள் அடித்தால் வெற்றி என்ற இலக்குடன் மும்பை அணி களம் இறங்கியது. வெஸ்ட் இண்டீஸ்க்கு எதிரான டெஸ்ட் தொடரில் ஹிட்மேன் ரோகித் சர்மா இடம்பெறாததால் மும்பை அணிக்காக விளையாடினார்.

அவர் பேட்டிங் செய்து கொண்டிருக்கும்போது அவரின் தீவிர ரசிகர் ஒருவர் தடுப்பு வேலியை தாண்டி ஆடுகளத்தை நோக்கி ஓடிவந்தார். அவர் கண்ணிமைக்கும் நேரத்தில் ரோகித் சர்மா அருகில் வந்து அவரது காலை தொட்டு கும்பிட்டார். அத்துடன் அல்லாமல் ரோகித் சர்மாவை கட்டிப்பிடித்து கண்ணத்தில் நச்சென ஒரு முத்தம் கொடுத்தார்.

மீண்டும் முத்தம் கொடுக்க முயற்சித்தார். அப்போது ரோகித் சர்மா விலகிவிட்டார். அதனால் அந்த ரசிகர் மீண்டும் காலில் விழுந்து கும்பிட்டு, அப்பாடா... ரோகித் சர்மாவிற்கு முத்தம் கொடுத்து விட்டேன் என் குஷியில் துள்ளிக்குதித்து கேலரிக்கு சென்றார்.

@Ateet_Sharma@manoj_dimri@vikrantgupta73 Rohit Sharma Fan In Vijay Hazare trophy pic.twitter.com/GGv6ehPvWb

— Abhinav Rai (@Abhinav9560) October 15, 2018

இந்த காட்சியை ஒருவர் படம்பிடித்து டுவிட்டரில் வெளியிட்டுள்ளார். இது தற்போது வைரலாகி வருகிறது. இந்த போட்டியில் மும்பை 12.3 ஓவரிலேயே இலக்கை எட்டி 9 விக்கெட் வித்தியாசத்தில் வெற்றி பெற்றது. ரோகித் சர்மா 33 ரன்கள் அடித்து ஆட்டமிழக்காமல் இருந்தார்.

விஜய் ஹசாரே ஒருநாள் கிரிக்கெட் தொடரில் லீக் ஆட்டங்கள் முடிவடைந்து நேற்று காலிறுதி ஆட்டங்கள் தொடங்கின. ஒரு ஆட்டத்தில் பீகாரை மும்பை அணி எளிதில் வீழ்த்தியது.

மற்றொரு ஆட்டத்தில் ஹரியானா - டெல்லி அணிகள் மோதின. டாஸ் வென்ற ஹரியானா பேட்டிங் தேர்வு செய்தது. தொடக்க வீரர் பிஷ்னோய் 117 பந்தில் 85 ரன்களும், சண்டிலா 88 பந்தில் 59 ரன்களும் சேர்க்க 49.1 ஓவரில் 229 ரன்கள் எடுத்து ஆல்அவுட் ஆனது ஹரியானா. டெல்லி அணி சார்பில் சைனி 3 விக்கெட்டும், கெஜ்ரோலியா 6 விக்கெட்டும் வீழ்த்தினார்கள்.

பின்னர் 230 ரன்கள் அடித்தால் வெற்றி என்ற இலக்குடன் டெல்லி அணி களம் இறங்கியது. தொடக்க வீரராக கவுதம் காம்பிர் களம் இறங்கினார். நேற்று அவருக்கு பிறந்த நாளாகும். 37 வயது முடிவடைந்து 38-வது வயதிற்குள் அடியெடுத்து வைக்கும் காம்பிர் பிறந்த நாள் அன்று ரசிகர்களுக்கு வேடிக்கை நிகழ்த்துவாரா? என்ற எதிர்பார்த்து இருந்தது.

இந்த எதிர்பார்ப்பை சற்று கூட வீணடிக்காமல் காம்பீர் 72 பந்தில் 16 பவுண்டரிகளுடன் 104 ரன்கள் குவித்து அசத்தினார். இவரது சதத்தால் டெல்லி அணி 39.2 ஓவரில் 5 விக்கெட் இழப்பிற்கு 230 ரன்கள் எடுத்து ஐந்து விக்கெட் வித்தியாசத்தில் வெற்றி பெற்றது.

இந்திய கிரிக்கெட் அணியின் முன்னாள் கேப்டன் டோனி. டெஸ்டில் இருந்து ஓய்வு பெற்ற இவர் ஒருநாள் போட்டி மற்றும் 20 ஓவர் அணியில் விளையாடி வருகிறார். இங்கிலாந்து மற்றும் ஆசிய கோப்பையில் டோனியின் ஆட்டம் மோசமாக இருந்தது. இதனால் அவர் விமர்சனத்துக்கு உள்ளாகி இருக்கிறார்.

ஆனாலும் வெஸ்ட் இண்டீசுக்கு எதிரான ஒருநாள் போட்டியில் டோனி இடம் பெற்றுள்ளார். உள்ளூரில் நடைபெறும் விஜய் ஹசாரே போட்டியின் நாக்அவுட் சுற்றில் அவர் ஆடுவார் என்று கூறப்பட்டது. தற்போது டோனி விளையாடவில்லை என்ற கூறப்பட்டுள்ளது.



விஜய் ஹசாரே போட்டியில் அவர் ஆடவில்லை. இதுகுறித்து ஜார்க்கண்ட் அணியின் பயிற்சியாளர் ராஜீவ் குமார் கூறியதாவது:-

ஜார்க்கண்ட் அணி தற்போது சிறப்பாக விளையாடி வருகிறது. இந்த நேரத்தில் அணிக்குள் நுழைந்து சீர்குலைவு ஏற்படுத்த டோனி விரும்பவில்லை. அணி நல்ல நிலையில் இருப்பதால் அது அப்படியே நீடிக்க வேண்டும் என்று அவர் விரும்புகிறார். இதனால் டோனி விஜய் ஹசாரே போட்டியில் ஆடவில்லை. அவர் ஆடுவதும், ஆடாமல் இருப்பதும் அவரது முடிவே.

இவ்வாறு அவர் கூறினார்.

இந்திய கிரிக்கெட் வாரியத்தால் நடத்தப்படும் மிகப்பெரிய ஒருநாள் கிரிக்கெட் தொடர் விஜய் ஹசாரே டிராபி. 37 அணிகள் பங்கேற்ற இந்த தொடரின் லீக் ஆட்டங்கள் முடிவடைந்து இன்று காலிறுதி தொடங்கியது.

ஒரு ஆட்டத்தில் பீகார் - மும்பை அணிகள் மோதின. மும்பை அணி டாஸ் வென்று பந்து வீச்சு தேர்வு செய்தது. அதன்படி பீகார் அணி களம் இறங்கியது. மும்பை அணியின் பந்து வீச்சை தாக்குப்பிடிக்க முடியாமல் 28.2 ஓவரில் 69 ரன்கள் எடுத்து ஆல்அவுட் ஆனது. பபுல் குமார் (16), ரஹ்மதுல்லா (18) ஆகியோர் மட்டுமே இரட்டை இலக்க ரன்களை கடந்தனர். மும்பை அணி சார்பில் தேஷ்பாண்டே 5 விக்கெட்டும், முலானி 3 விக்கெட்டும் வீழ்த்தினார்கள்.

பின்னர் 70 ரன்கள் எடுத்தால் வெற்றி என்ற இலக்குடன் மும்பை அணி களம் இறங்கியது. மும்பை அணி 12.3 ஓவரில் 1 விக்கெட் இழப்பிற்கு 71 ரன்கள் எடுத்து 9 விக்கெட் வித்தியாசத்தில் வெற்றி பெற்றது. ஹெர்வாத்கர் 24 ரன்கள் எடுத்து ஆட்டமிழந்தார். ரோகித் சர்மா 33 ரன்கள் எடுத்து ஆட்டமிழக்காமல் இருந்தார்.

உள்ளூர் ஒருநாள் கிரிக்கெட் தொடரான விஜய் ஹசாரே டிராபி தற்போது நடைபெற்று வருகிறது வருகிறது. 37 அணிகள் பங்கேற்ற இந்த தொடரின் லீக் ஆட்டங்கள் முடிவில் ‘ஏ’ பிரிவில் இருந்து மும்பை, மராட்டியம், ‘பி’ பிரிவில் டெல்லி, ஆந்திரா, ஐதராபாத், ‘சி’ பிரிவில் அரியானா, ஜார்க்கண்ட், கீழ்நிலை பிரிவான பிளேட் பிரிவில் பீகார் ஆகிய அணிகள் கால் இறுதிக்கு தகுதி பெற்றன.

கால் இறுதி ஆட்டங்கள் நாளை பெங்களூரில் தொடங்குகின்றன. நாளை இரண்டு ஆட்டம் நடக்கிறது. இதில் ஒரு ஆட்டத்தில் மும்பை - பீகார் மோதுகின்றன. மற்றொரு ஆட்டத்தில் டெல்லி - அரியானா பலப்பரீட்சை நடத்துகின்றன.

15-ந்தேதி நடக்கும் கால் இறுதி ஆட்டங்களில் மராட்டியம்- ஜார்க்கண்ட், ஆந்திரா - ஐதராபாத் அணிகள் மோதுகின்றன.

இந்திய அணியின் சாதனைக் கேப்டனாக திகழ்ந்தவர் மகேந்திரசிங் டோனி. டெஸ்ட் போட்டியில் இருந்து ஓய்வுபெறும் வரை மிகவும் பரபரப்பான வீரராக திகழ்ந்தார். அப்போது ஓய்வு என்ற பேச்சுக்கே இடம் இல்லாமல் இருந்தார். டெஸ்ட் போட்டியில் இருந்து ஓய்வு பெற்றதும் ஒருநாள் மற்றும் டி20 போட்டியில் மட்டுமே விளையாடி வருவதால் அவருக்கு ஓய்வு நேரம் அதிகமாக இருக்கிறது.

விக்கெட் கீப்பிங் பணியில் ஜாம்பவனாக திகழும் டோனியின் பேட்டிங் சமீபகாலமாக திருப்திகரமாக இல்லை. இந்த வருடம் 15 ஒருநாள் மற்றும் 7 டி20 போட்டிகளில் மட்டுமே விளையாடியுள்ளார்.



தற்போது உள்ளூர் ஒருநாள் கிரிக்கெட் தொடரான விஜய் ஹசாரே டிராபி நடைபெற்று வருகிறது. இதில் ஜார்க்கண்ட் அணி காலிறுதிக்கு முன்னேறியுள்ளது. அந்த அணியுடன் பயிற்சியில் ஈடுபட்டாலும், லீக் ஆட்டங்களில் அவர் பங்கேற்கவில்லை.

தற்போது நாக்அவுட் போட்டியில் விளையாட வாய்ப்பு உள்ளதாக கூறப்படுகிறது. ஏற்கனவே, ரோகித் சர்மா விளையாட முடிவு செய்துள்ளார் என்பது குறிப்பிடத்தக்கது.

இந்திய ஒருநாள் கிரிக்கெட் அணியின் துணைக் கேப்டனாக இருப்பவர் ரோகித் சர்மா. சமீபத்தில் இவர் தலைமையில் இந்திய ஒருநாள் கிரிக்கெட் அணி ஆசியக் கோப்பையை வென்றது. தற்போது நடைபெற்று வரும் வெஸ்ட் இண்டீஸ் அணிக்கெதிரான டெஸ்ட் தொடரில் ரோகித் சர்மா விளையாடவில்லை.

இதனால் ரோகித் சர்மா ஓய்வில் இருக்கிறார். தற்போது உள்ளூர் ஒருநாள் கிரிக்கெட் தொடரான விஜய் ஹசாரே டிராபி நடைபெற்று வருகிறது. இதில் மும்பை அணி ‘ஏ’ பிரிவில் இடம்பிடித்துள்ளது. ‘ஏ’ பிரிவில் மும்பை அணி முதல் இடம் பிடித்து காலிறுதிக்கு முன்னேறியுள்ளது. காலிறுதியில் ஒருவேளை பீகார் அணியை எதிர்கொள்ள வாய்ப்புள்ளது.



இந்நிலையில் மும்பை அணிக்காக ரோகித் சர்மா விளையாடுவார் என்று மும்பை கிரிக்கெட் சங்கம் தெரிவித்துள்ளது. விஜய் ஹசாரே டிராபியின் காலிறுதி 14-ந்தேதி தொடங்குகிறது. அக்டோபர் 17-ந்தேதி மற்றும் 18-ந்தேதிகளில் அரையிறுதியும், 20-ந்தேதி இறுதிப் போட்டியும் நடைபெறுகிறது.

விஜய் ஹசாரே டிராபி ஒருநாள் கிரிக்கெட் தொடரில் இன்று சென்னையில் நடைபெற்று வரும் ஆட்டத்தில் தமிழ்நாடு - ஹரியானா அணிகள் விளையாடி வருகின்றன.

டாஸ் வென்ற ஹரியானா பேட்டிங் தேர்வு செய்தது. தொடக்க வீரர் சைனி 40 ரன்களும், பிஷ்னோய் 25 ரன்களும் அடித்தனர். 4-வது வீரராக களம் இறங்கிய ராணா 76 பந்தில் 89 ரன்களும், 7-வது வீரராக களம் இறங்கிய ராகுல் டெவாட்டியா 59 பந்தில் 8 பவுண்டரி, 5 சிக்சருடன் 91 ரன்கள் விளாச ஹரியானா 50 ஓவரில் 5 விக்கெட் இழப்பிற்கு 310 குவித்தது.

தமிழ்நாடு அணியில் விஜய் சங்கர் 51 ரன்னும், ஷருண் குமார் 57 ரன்னும், வாஷிங்டன் சுந்தர் 58 ரன்னும், வருண் சக்ரவர்த்தி 55 ரன்களும் விட்டுக்கொடுத்தனர்.

விஜய் ஹசாரா டிராபி ஒருநாள் கிரிக்கெட் தொடரில் சென்னையில் நடைபெற்ற ஆட்டத்தில் தமிழ்நாடு - அசாம் அணிகள் மோதின. தமிழ்நாடு டாஸ் வென்று பேட்டிங் தேர்வு செய்தது.

தொடக்க வீரர் என் ஜெகதீசன் 37 ரன்களும், அபிநவ் முகுந்த் 71 ரன்களும் சேர்த்து அவுட் ஆனார்கள். அதன்பின் வந்த பாபா இந்திரஜித், விஜய் சங்கர் ஆகியோர் அபாரமான ஆட்டத்தை வெளிப்படுத்தினார்கள்.

பாபா இந்திரஜி 72 பந்தில் 92 ரன்கள் எடுத்து ஆட்டமிந்தார். விஜய் சங்கர் 99 பந்தில் தலா 7 பவுண்டரி, சிக்சர் மூலம் 129 ரன்கள் குவித்தார்கள். முதல் நான்கு பேட்ஸ்மேன்கள் சிறப்பாக விளையாட தமிழ்நாடு 50 ஓவரில் 4 விக்கெட் இழப்பிற்கு 334 ரன்கள் குவித்தது.



பின்னர் 335 ரன்கள் அடித்தால் வெற்றி என்ற இலக்குடன் அசாம் களம் இறங்கியது. தமிழ்நாடு அணியின் நேர்த்தியான பந்து வீச்சாளர் அசாம் 204 ரன்னில் சுருண்டது. யோ மகேஷ், பாபா அபரஜித், வருண் சக்ரவர்த்தி, சாய் கிஷோர் ஆகியோர் தலா இரண்டு விக்கெட்டுக்கள் வீழ்த்தினார்கள்.

சென்னை :

விஜய் ஹசாரே கோப்பைக்கான உள்ளூர் ஒரு நாள் கிரிக்கெட் போட்டி இந்தியாவில் பல்வேறு நகரங்களில் நடந்து வருகிறது. இதில் சென்னை முருகப்பா மைதானத்தில் நேற்று நடந்த ஒரு ஆட்டத்தில் ராஜஸ்தான்- ஜார்கண்ட் அணிகள் மோதின.

முதலில் பேட் செய்த ராஜஸ்தான் அணி, இடக்கை சுழற்பந்து வீச்சாளர் ஷபாஸ் நதீமின் பந்து வீச்சுக்கு ஈடுகொடுக்க முடியாமல் 28.3 ஓவர்களில் 73 ரன்னில் சுருண்டது. சுழற்பந்து வீச்சாளர் ஷபாஸ் நதீம் 10 ஓவர்களில் 4 மெய்டனுடன் 10 ரன்கள் மட்டுமே விட்டுக்கொடுத்து 8 விக்கெட்டுகளை அள்ளினார்.

இதில் 5 பேட்ஸ்மேன்களை கிளீன் போல்டு ஆக்கியதும் அடங்கும். லிஸ்ட் ‘ஏ’ வகை போட்டியான ஒரு நாள் கிரிக்கெட் வரலாற்றில்
சர்வதேசம் மற்றும் உள்ளூர் போட்டி ஒரு வீரரின் சிறந்த பந்து வீச்சாக இது அமைந்துள்ளது. இதற்கு முன்பு 1997-98-ம் ஆண்டு இமாச்சலபிரதேச அணிக்கு எதிராக டெல்லி பவுலர் ராகுல் சாங்வி 15 ரன்னுக்கு 8 விக்கெட் வீழ்த்தியதே சிறந்த பந்து வீச்சாக இருந்தது.
 
சர்வதேச போட்டியில் இலங்கை வேகப்பந்து வீச்சாளர் சமிந்தா வாஸ் 2001-ம் ஆண்டு ஜிம்பாப்வேக்கு எதிராக 19 ரன்களுக்கு 8 விக்கெட் கைப்பற்றியது சாதனையாக இருக்கிறது. அவற்றை எல்லாம் 29 வயதான ஷபாஸ் நதீம் முந்தியுள்ளார். இந்த ஆட்டத்தில் ஜார்கண்ட் அணி 14.3 ஓவர்களில் இலக்கை அடைந்து 7 விக்கெட் வித்தியாசத்தில் எளிதில் வெற்றி பெற்றது. #VijayHazare #ShahbazNadeem